धुलिखेल, १६ असारः धुलिखेल नगरपालिकाले नगरपालिकाभित्रका स्वास्थ्य चौकीको गुणस्तर जाँच गर्न थालेको छ । नगरपालिकाको स्वास्थ्य शाखाले हिजो वडा नं ९ को काभ्रे स्वास्थ्य चौकीबाट गुणस्तरीय मापन गर्न सुरु गरेको होे । यो स्वास्थ्य चौकीले ८० नम्बर पाएको स्वास्थ्य संयोजक सन्दिप केसीले जानकारी दिए ।

मंगलबार वडा नं २ मा रहेको रविओपी स्वास्थ्य चौकीको गुणस्तर मापन गरिएको छ । यो स्वास्थ्य चौकीले ६७ अंक प्राप्त गरेको छ । प्रत्येक स्वास्थ्य चौकीको औषधी व्यवस्थापन, शुसान लगायतका ब्यवस्थापनको पक्षलाई ध्यान दिएर ३६० वटा सुचकमा नम्बर दिने गरिएको छ ।

जसमा ८५ देखी एक सय अंक प्राप्त गर्ने धेरै राम्रो स्वास्थ्य चौकी भित्र पर्छन । त्यस्तै ६० देखी ८४ सम्मलाई ठिकै, ५० देखी ५९ सम्मलाई सुधार गर्नुपर्ने र ५० भन्दा कम अंक ल्याउनेलाई कमजोर मानिन्छ । नगरपालिकाभित्र रहेका ६ वटै स्वास्थ्य चौकीको गुणस्तर मापन स्वास्थ्य संयोजक केसीले बताए ।