धुलिखेल, ४ जेठः काभ्रेको मण्डनदेउपुर नगरपालिकामा लकडाउनको अवधिमा महिला हिंसाका घटना ह्वात्तै बढेको छ । चैत ११ गते देखी मात्र नगरपालिकाको न्यायिक समितिमा ६ वटा महिला हिंसाको घटना दर्ता भएको न्यायिक समिती संयोजक एम उपप्रमख निर्मला शाहीले जानकारी दिइन् ।

दर्ता भएका ६ वटा महिला हिंसाका घटना मध्ये ५ वटा घटनाको भने मेलमिलाप भैसकेको छ । लकडाउनका कारण सबै परिवार एकै ठाउँमा जम्मा भएका कारण यस्ता घटना बढेको न्यायिक समितिका संयोजक शाहीले बताए ।

लकडाउन अघि सम्मको तुलनामा यती थोरै समयमा महिला हिंसाका घटना धेरै भएको हो । लकडाउनको ५ औँ दिनदेखी न्यायिक समितिले आफ्नो काम सुचारु गरेको थियो । न्यायिक समितिमा २०७६/७७ भित्र २ सय विवाद मध्ये एउटा मात्रै निर्णय भएको छ । अब ३ वटा घटना मात्र मेलमिलापमा हुन बाँकी छ ।