काठमाडौं २५ जेठ : कोरोनाबाट विदेशमा १२५ नेपालीको मृत्यु भएको छ भने १४ हजार ४५४ संक्रमित भएका छन् ।

विदेशमा १२५ जनाको सो सङ्क्रमणबाट मृत्यु भएको र पाँच हजार ५९० जनाको सङ्क्रमण मुक्त भएको गैरआवासीय नेपाली सङ्घले जनाएको छ । (एनआरएनए )का संयोजक डाक्टर सञ्जीव सापकोटाका अनुसार गत हप्ता कतारमा चार जना, कुबेत र युकेमा एक–एक गरी ६ जनाले ज्यान गुमाएका थिए ।
विश्वका ३४ देशमा रहेका नेपालहरु कोरोना भाइरसबाट प्रभावित भएका सो सस्थाले जनाएको छ । सो भाइरसका कारण बेलायत, संयुक्त राज्य अमेरिका, युएई साउदी अरब, बहराइन, कुबेत, कतार, आयरल्याण्ड, जापान, टर्की, नेदरल्याण्ड र स्विडेनमा रहेका नेपालीको मृत्यु भएको छ । संयोजक सापकोटाका अनुसार विदेशमा १४ हजार ४५४ जना नेपाली कोरोनाबाट सङ्क्रमित भएका छन् ।