धुलिखेल, ४ जेठः काभ्रे प्रहरीले ५० जना भारतीय नागरिक धुलिखेलबाट नियन्त्रणमा लिएको छ । सिन्धुपाल्चोकबाट आज ८ बजे धुलिखेल आइपुगेका ती भारतीय नागरिकलाई प्रहरीले नियन्त्रणमा लिएको हो ।

उनीहरुलाई बा ३ ख २५४६ नम्बरको कन्टेनर भ्यानले धुलिखेल नगरपालिकाको डम्बिङ साइटमा ल्याएर छाडिदिएको थियो । कन्टेनरले भारतीय नागरिकलाई छोडेको सुचना पाउन साथ नियन्त्रणमा लिएको जिल्ला प्रहरी कार्यालय काभ्रेले जनाएको छ । उनीहरु सिन्धुपाल्चोकको चौतारासाँगाचोकगढी नगरपालिकाको जल्केनीबाट आएको बताइएको छ ।

काभ्रे प्रशासनले सिन्धुपाल्चोक बाह्रबिसे नगरपालिका वडा नम्बर ९ राम्चेकी एक सुत्केरी महिलाको कोरोना संक्रमणबाट धुलिखेल अस्पतालमा मृत्यु भएपछि जिल्लामा निकै कडाइ गरेको छ । पक्राउ गरेका नागरिकलाई के गर्ने भन्ने विषयमा जिल्ला सुरक्षा समितिको बैठक बसिरहेको छ ।