२०८३, २ मंसिर बुधबार

पाँचखाल-११ मा अमेरिकन फौजी किराले मकै सखाप पर्यो, जनप्रतिनिधिले चासो दिएनन्

पाँचखाल-११ मा अमेरिकन फौजी किराले मकै सखाप पर्यो, जनप्रतिनिधिले चासो दिएनन्


धुलिखेल, २९ बैशाखः अमेरिकन फौजी किराले (फल आर्मीवर्म) गोड्ने बेलाको मकैबाली सखाप पारेपछि पाँचखाल नगरपालिका वडा नम्बर ११ खरेलथोकका स्थानीय चिन्तित बनेका छन् । एकातिर मुलकमा लकडाउन लम्बिदै जाने र लगाएको बाली समेत किराले खाइदिएपछि स्थानीय चिन्तित बनेका हुन् ।

स्थानीय नविन लामाका अनुसार गत वर्षको भन्दा यो वर्ष अमेरिकन फौजी किराले मकै अझ बढी खाइदिएको छ । फौजी किराले मकैको पात र गुभो खाइदिएको हो । ‘गोड्ने बेला भइसकेको मकैबाली सखाप पारिसक्यो, स्थानीय नविन लामाले भने ‘मकैको विरुवा हेर्दा पनि दिक्क लागेर आउँछ ।’

खरेलथोकका किसानले सिपी ८०८ नामको हाइब्रिड जातको मकै बीउ लगाएका थिए । उन्नतजातको भन्दा हाइब्रिड बीउमा फौजी किराले बढी आक्रमण गरेको स्थानीयको बुझाइछ । गाउँभरका किसानले लगाएको मकैबाली फौजी किराले सखाप पारे पनि नगरपालिकाको कृषि शाखा र वडा कार्यालयले रोगथामका लागि कुनै वास्ता नगरेको स्थानीयले बताएका छन् । वडाध्यक्ष शिव शरण लामाले आफुहरुको समस्या प्रति कुनै चासो नदिएको स्थानीयले गुनासो गरेका छन् । तर वडाध्यक्ष लामाले भने आफुलाई फौजी किराले मकै बाली खाएको बारे कुनै जानकारी नभएको बताए ।

यो वर्ष समयमै बर्षा भएकाले खरेलथोकका स्थानीय कमैबाली राम्रो हुनेमा ढुक्क थिए । तर फौजी किराले रातभर मकैको विरुवा खाइदिएपछि भने किसानहरु चिन्तित बनेका छन् । फौजी किरा राति चर्न मन गराउने भएकाले नियन्त्रण गर्न निक्कै मुस्किल परेको स्थानीय नविन लामाले बताए । ‘दिँउसो निकै कम देखिन्छ, सकेसम्म टिपेर फाल्ने गरेको छाैँ, लामाले भने ‘तर राती आउने किरालाई कसरी नियन्त्रण गर्ने ?’

प्रकाशित मिति : २०७७, २७ बैशाख शनिबार  ९ : ११ बजे

एमालेप्रति सरकारी निर्मम दमन महङ्गो पर्नेछ : अध्यक्ष ओली 

काठमाडौं । नेकपा (एमाले)अध्यक्ष केपी शर्मा ओलीले सरकार एमालेप्रति निर्मम

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार