काठमाडौं २४ वैशाख :  प्रतिनिधिसभा र राष्ट्रियसभाका सांसद र कर्मचारीहरुको कोरोना संक्रमणको परीक्षण गरिने भएको छ ।

संसद सचिवालयका सुचनाअनुसार बिशिबार ११ बजेदेखि पीसीआर प्रविधिबाट कोरोनाको परीक्षण जनाएको छ । तालिका अनुसार १० बजेदेखि राष्ट्रिय सभाका सदस्यहरुको परीक्षण सुरु हुनेछ । कोरोना परीक्षण गर्ने व्यवस्था संघीय संसद भवनकै ल्होत्से हलमा मिलाइएको छ ।

सांसदहरुको टेष्ट गरिसकेपछि कर्मचारी, मर्यादापालक, पत्रकारको स्वाब संकलनको प्रवन्ध मिलाइने सचिवालयका सूचना अधिकारी दशरथ धमलाले जानकारी दिए ।

मंगलबार बसेको कार्यव्यवस्था समितिले स्वास्थ्य मन्त्रालयलाई संसद भवन छिर्नेहरुको स्वास्थ्य परीक्षणको व्यवस्थाका लागि आग्रह गरेको थियो । शुक्रबारदेखि संघीय संसदको वर्षे अधिवेशन सुरु हुँदैछ ।