२०८३, २ मंसिर बुधबार

धुलिखेलको निर्णय विरुद्ध उत्रिए ज्याम्दी मेलडाँडाका स्थानीय

धुलिखेलको निर्णय विरुद्ध उत्रिए ज्याम्दी मेलडाँडाका स्थानीय


धुलिखेल, १८ बैशाखः बुधबार धुलिखेल नगरपालिकाको सभाहलमा सर्वपक्षिय बैठक बस्यो । बैठकको मुख्य एजेण्डा थियो, राष्ट्रिय महत्वका विकास आयोजनाहरु सञ्चालन गर्ने बारे । तर भित्री कुरा चाँहि क्रसर उद्योग चलाउने । बैठकका लागि सबै स्थानीय तहका प्रमुखहरुलाई बोलाइएको थियो । त्यसमा पनि खास गरी क्रसर उद्योग सञ्चालन भइरहेका स्थानीय तहका प्रमुख र वडाध्यक्षहरु अनिवार्य उपस्थिति गराइएको थियो ।

जिल्ला संकट ब्यवस्थापन केन्द्रको आयोजनामा डाकिएको बैठकको अध्यक्षता प्रमुख जिल्ला अधिकारी श्रवण कुमार तिमिल्सनाले गरेका थिए । बैठकमा प्रदेश सभा सदस्यहरु बसुन्धरा, रत्न ढकाल, लक्ष्मण लम्साल, जिल्ला समन्वय समिति काभ्रेका प्रमुख उद्धव केसी, स्थानीय तहका प्रमुख सहित जिल्ला स्थित तीन वटै सुरक्षा निकाय प्रमुख सहभागि थिए ।

बैठकमा क्रसर उद्योग रहेका वडाध्यक्षहरुले तत्काल क्रसर र टिपर सञ्चालन गर्न जनतामा नकरात्मक असर पर्ने भनाई राखेका थिए । तर बैठकले क्रसर खोल्ने र टिपर चल्न दिन निर्णय गर्यो । निर्णय गरेको भोली पल्टै भुम्लु गाउँपालिका वडा नम्बर ९ का स्थानीयहरुले विरोध जनाएका छन् । वडा नम्बर ९ का वडाध्यक्ष पनि सर्वपक्षीय बैठकमा सहभागि भएका थिए ।

वडा नम्बर ९, मेलडाँडाका स्थानीयले वडाध्यक्ष दल बहादुर तामाङलाई भेटेरै विरोध पत्र बुझाएका छन् । उनीहरुले बिहिबार विरोध पत्र दिएको वडाध्यक्ष तामाङले स्वीकार गरे । ‘जिल्ला तहमा भएको निर्णय अनुसार टिपरको लाइन लाग्न थाल्यो, वडाध्यक्ष तामाङले भने ‘रोगको संक्रमण फैलन भन्दै स्थानीयले विरोध जनाए ।’

आफुले सर्वपक्षीय बैठकमा पनि तत्काल क्रसर सञ्चालन गर्दा र टिपर चलाउँदा स्थानीयले नकारात्मक रुपले हेर्न बताएको र स्थानीयको भावना विपरित आफुले टिपरलाई पासका लागि सिफारिस गर्न नसक्ने वडाध्यक्ष तामाङले बताए । ‘बैठकमा बैशाख २५ गतेसम्म कुरौँ भन्नेमा म पनि एक हुँ, तर निर्णय क्रसर र खानी खोल्ने गरियो, वडाध्यक्ष तामाङले भने ‘निर्णयसँग टिपरका लाइन गाउँलेले देख, त्यसपछि विरोध सुरुभयो ।’

पालिकाको वडा नम्बर ९ अन्तर्गत पर्ने इन्द्रवाती नदिमा त्रिवेणी क्रसर उद्योग सञ्चालनमा छ । स्थानीयले यदि बाहिरबाट आउने मान्छेको भिड् बढेसँगै कोरोना भाइरसको संक्रमण फैलियो भने त्यसको जिम्मेवारी लिन भनेका छन् । स्थानीयहरुले कम्तिमा २५ गतेसम्म कुर्न वडाध्यक्षलाई आग्रह गरेका छन् । आफुहरुको विरोध सुनुवाई नभए बाटो नै अवरुद्ध गर्ने स्थानीयले चेतावनी दिएका छन् ।

तर बैठकमा सहभागि प्रदेश सांसद बसुन्धरा हुमागाई भने आम नागरिकले बुझे जस्तो ग्वारग्वार्ती टिपर कुद्न दिने निर्णय नभएको बताउँछन् । उनले मान्यता प्राप्त आयोजनाहरुका लागि मात्रै निर्माण सामग्री ढुवानी गर्ने गरी निर्णय भएको बताए ।

यसअघि भुम्लु गाउँपालिका वडा नम्बर १० का स्थानीयले पनि क्रसर उद्योग बन्द गर्न माग गर्दै गाउँपालिकाको ध्यानाकर्षण गरेका थिए । पालिकाको १ र ७ नम्बर वडामा सहित गरेर ४ वटा क्रसर उद्योग रहेको उपाध्यक्ष कल्पना श्रेष्ठले जानकारी दिइन् ।

सर्वपक्षिय बैठकले जिल्ला भित्र विहान ११ बजे देखि १ बजेसम्म र बेलुका ७ बजेदेखि ११ बजेसम्म टिपर चल्न पाउने निर्णय गरेको थियो । जिल्ला भित्र चल्ने टिपरका लागि सम्बन्धीत स्थानीय तहले पास दिने निर्णय भएको जिल्ला समन्वय समितिका प्रमुख उद्धव केसीले बताए । जिल्ला बाहिर जानका लागि भने जिल्ला प्रशासन कार्यालयले पासको ब्यवस्था गर्ने छ । जिल्ला बाहिर जाने समय बेलुका ७ बजे देखि राति ११ बजेसम्म तोकिएको छ ।

प्रकाशित मिति : २०७७, १८ बैशाख बिहीबार  ३ : ४७ बजे

एमालेप्रति सरकारी निर्मम दमन महङ्गो पर्नेछ : अध्यक्ष ओली 

काठमाडौं । नेकपा (एमाले)अध्यक्ष केपी शर्मा ओलीले सरकार एमालेप्रति निर्मम

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार