२०८३, २ मंसिर बुधबार

काभ्रेका स्थानीय तह सूचना निकाल्नै ब्यस्त, कारबाही गर्ने निकाय खै ?

काभ्रेका स्थानीय तह सूचना निकाल्नै ब्यस्त, कारबाही गर्ने निकाय खै ?


धुलिखेल, ३ बैशाखः काभ्रे जिल्लाका विभिन्न स्थानीय तहले पसल खोल्ने समय तोक्ने देखि भोजभतेर नगर्न समेत उर्दी जारी गरेका छन् । तर यदि तोकिएकाे अनुसार नियम पालना नगर्नेलाई कारबाही गर्ने निकाय भने अहिले सम्म निक्र्यौल भएको छैन ।

बनेपा नगरपालिका वडा नम्बर ५ का वडाध्यक्ष बलराम अधिकारीले आफ्नो वडाबासीलाई मर्निवाङमा समेत नजान आग्रह गर्दै सूचना जारी गरे । उनको त्यो आग्रह वडाबासीले मानेका छैनन् । हुन यो बेला स्वअनुशासित हुने बेला हो । तर नमान्नेलाई कारबाही नगर्ने हो भने भोली एक जनाले गर्दा उत्पादन हुने महामारीबाट कतिलाई जोगाउने ?

लकडाउनकै बीचमा इलाका प्रहरी कार्यालय बनेपाले भट्टी पसलमा रहेको मदिरा नष्ट गर्यो । पाँचखाल नगरपालिकाका मेयर महेश खरेल आफै भट्टी पसलको अनुगमन गर्न निस्किए । केहिलाई कारबाही गर्ने चेतावनी पनि दिए । तर अहिले पनि नगरपालिकाभित्र खुलेआम भट्टी पसल खुलिरहेको गुनासो आइरहेका छन् ।

धुलिखेलको पुरानो बजारमा बिहान पुग्दा लाग्छ, लकडाउन यस्तै रैछ । चिया देखि मदिरा पसल, ब्यूटि पार्लस देखि लैसुनसम्म खुलेआम खुलेका छन् । वडा कार्यालयहरुले सुचना निकालेका छन् । तर सुचना अटेर गर्नेलाई अहिलेसम्म कुनै कारबाही भएको पाइदैँन ।

तेमाल गाउँपालिका वडा नम्बर १ का वडाध्यक्ष मान बहादुर श्रेष्ठले भोजभतेर नगर्न आग्रह गर्दै सुचना जारी गरे । तर भोजभतेर गरे कारबाही गर्ने कस्ले ? भट्टी पसल खोले कारबाही निकाय कुन हो ? बनेपा, पाँचखाल, धुलिखेल र तेमाल एउटा प्रतिनिधिमात्रै हो । जिल्लाको ६ वटा नगरपालिका र ७ वटा गाउँपालिकाका १३५ वटा वडाले नै हरेक दिन जसो कोरोना भाइरस रोकथामका लागि कुनै न कुनै सूचना निकालिरहेका हुन्छन् ।

तर त्यो सुचना अनुसार काम नगर्नेलाई कारबाही गर्ने निकाय त पराको कुरा उजुरी सुन्ने ब्यक्तिसम्म तोकिएको छैन । नगरपालिका र गाउँपालिकाले त तोकेका छैनन । भने वडा कार्यालयले तोक्न सक्ने कुरै भएन । स्थानीय तहलाई अधिकार हुदाँ हुदैँ पनि राजनीतिक आडमा ब्यवहार गरिएको पाइएको छ । जबसम्म तपाई जनप्रतिनिधिहरु सुचना मात्रै निकाल्नु हुन्छ र कारबाहीको प्रक्रियामा जान सक्नुहुन्न । तबसम्म तपाईका नागरिक सुरक्षित रहन सक्दैनन् ।

प्रकाशित मिति : २०७७, ३ बैशाख बुधबार  ३ : २७ बजे

प्रधानमन्त्रीको भारत भ्रमणबारे के भन्छन् पूर्वपरराष्ट्रमन्त्रीहरु ? 

राष्ट्रिय स्वार्थलाई केन्द्रमा राखेर भारतसँग आत्मविश्वासका साथ प्रस्तुत हुन पूर्वपरराष्ट्रमन्त्रीहरूको

आईजीपी विवाद : छलफलका लागि दुवै पक्षलाई झिकाउन आदेश 

काठमाडौं । प्रहरी महानिरीक्षकमा पुनर्बहाली गर्नुपर्ने मागसहित निवर्तमान प्रहरी महानिरीक्षक

एमालेप्रति सरकारी निर्मम दमन महङ्गो पर्नेछ : अध्यक्ष ओली 

काठमाडौं । नेकपा (एमाले)अध्यक्ष केपी शर्मा ओलीले सरकार एमालेप्रति निर्मम

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल