धुलिखेल, २८ चैतः काभ्रेबाट बामती प्रदेश सभामा प्रतिनिधित्व गर्ने सांसद बसुन्धरा हुमागाईले आफ्नो निर्वाचन क्षेत्र भित्रका स्थानीय तहलाइ आर्थिक सहयोग दिन थालेका छन् । कोरोना भाइरससँग जुधिरहेका स्थानीय तहहरुका लागि सांसद हुमागाईले २५/२५ हजारका दरले आर्थिक सहयोग उपलब्ध गराउन थालेका हुन् ।

सांसद हुमागाईको निर्वाचन क्षेत्रमा पनौती, बनेपा, मण्डनदेउपुर नगरपालिका र बेथाञ्चोक गाउँपालिका पर्छ । सांसद हुमागाईले मण्डनदेउपुर नगरपालिकाको विपद् ब्यवस्थापन कोषमा २५ हजार रुपैयाँ जम्मा गरिसकेको जानकारी दिए ।

हुमागाई संघीय निर्वाचन क्षेत्र नम्बर २ को ख बाट निर्वाचित प्रदेश सांसद हुन् । उनले यसअघि प्रदेश स्तरमा गठन भएको मुख्य मन्त्री राहत कोषमा १ महिनामा आफुले पाउने सबै सेवा सुविधा बापतको रकम जिम्मा गरेका थिए ।