धुलिखेल, २१ चैत पाँचखाल नगरपालिकाका मेयर महेश खरेलले पाँचखाल नगरपालिका भित्र रहेका असहाय, वृद्ध, बिपन्न तथा दैनिक ज्याला गर्ने परिवारलाई राहत बितरण सुरु गरेका छन् । ग्रिन भिलेज हाउजिङ प्रालिका प्रविन कुस्मा र लक्ष्मण अवालेबाट ४०० थान मस्क, चामल ५ के जी, मस्यौरा, दाल लगायत सामग्री भएको ३ सय थान राहत नगरलाई उपलब्ध गराएको थियो । सोहि राहत वितरण गर्न मेयर आफै असहाय र विपन्न परिवाको घर–घर पुग्नुभएको हो ।

वडा अध्यक्षहरुसङ्ग समन्वय गरि असहाय, वृद्ध, बिपन्न तथा दैनिक ज्याला गर्ने परिवारलाई बितरण गरिरहेको मेयर खरेलले बताए ।

मेयर खरेल बिहिबार पाँचखालका किसानको खेतमै पुगेर किसानको समस्या बुझेका थिए । लकडाउनसँगै उत्पादन भएका तरकारी, दूध बजारमा लैजान समस्या भोगिरहेका किसानसँग मेयर खरेलले छलफल गरेका हुन् । ताजा तरकारी उत्पादनका हिसाबले बागमती प्रदेशकै अब्बल क्षेत्रमा पर्ने पाँचखालका किसान लकडाउनसँगै तकारी बजारमा पुर्याउन नसक्ने समस्या झेलिरहेका छन् ।