धुलिखेल, १९ चैतः अनेरास्ववियु काभ्रेले दैनिक ज्याला मजदुरी गर्ने परिवारलाई दैनिक उपभोग्य खाद्यान्न सहयोग गरेको छ । अनेरास्ववियुले बनेपा नगरपालिका वडा नम्बर ९ नयाँ वस्तीमा विभिन्न ठाउँबाट आएर दैनिक ज्याला मजदुरी गर्ने ४० घर परिवारलाई खाद्यान्न सहयो गरेको हो ।

प्रति परिवार १० केजी चामल, १ किरो दाल, नुन १ पाटेक, तेल १ लिटर र साबुन वितरण गरिएको अनेरास्ववियु काभ्रेका पूर्व जिल्ला पूर्व उपाध्यक्ष गोविन्द उप्रेतीले जानकारी दिए । कोरोना भाइरसको महामारीसँगै सरकारले लकडाउन गरेपछि दैनिक ज्याला मजदुरी गर्नेलाई छाक टार्न समस्या भइरहेको भन्दै अखिलले राहत वितरण गरेको हो ।

राहत पाउनेमा घर बनाउने काम गर्दै आएका मजदुर धेरै छन् । त्यस्तै सवारी चालक, भरिया, रिक्सा चालक, सिकर्मी, डकर्मी रहेका छन् ।