धुलिखेल १८ चैतः काभ्रेको चौरीदेउराली गाउँपालिका वडा नं ६ का अध्यक्ष रेशम चौलागाईले मास्क वितरण गरेका छन् । वडा अध्यक्ष रेशम चौलागाईले दिएको जानकारी अनुसार वडा भित्र रहेका सबै नागरिकलाई चार हजार मास्क वितरण गरिएको हो ।

वडा आफ्नो वडा भित्र रहेका सबै नागरिकलाई सचेतना जगाउने उद्देश्यले कोरोना भाईरस विरुद्ध माईकिङ, पर्चा पम्ल्पेट वितरण गर्ने काम पनि गरेको छ । त्यस्तै वडाबा विदेश गएर फर्केका नागरिकहरुको लगत संकलन पनि भइसकेको वडाध्यक्ष चौलागाईले बताए । वडामा विदेशबाट आएका ६ जना अहिले होम क्वारेनटाईनमा बसिरहेका छन् ।

पालिकाको मुख्य मानीने देउराली बजार पूर्णरुपमा बन्द गराएका छन् । अध्यक्ष चौलागाईले गाउँममा तास जुवा र भोज जतेर गर्नेलाई प्रहरी प्रशासन लगाएर कारवाही गनेए बताए । वडाले एक सुचना निकालेर २ जनाभन्दा बढीको समूह नबनाइ हिड्न आग्रह गरेको छ ।