काठमाडौं, ८ फागुन: सन्चार तथा सूचना प्रविधिमन्त्री गोकुलप्रसाद बाँस्कोटाले नैतिकताको आधारमा पदबाट राजीनामा दिएको बताएका छन् ।

बिहीबार ट्वीटरमार्फत् उनले आफ्नो राजीनामाबारे जानकारी गराएका हुन् ।

‘मेरोबारेमा प्रश्न उठेकोले सम्माननीय प्रधानमन्त्रीज्यूसमक्ष नैतिकताको आधारमा मन्त्री पदबाट राजीनामा दिएको जानकारी गराउँदछु । धन्यवाद ।’–उनले ट्वीटमा लेखेका छन् ।

काभ्रे निर्वाचन क्षेत्र नम्बर २ बाट निर्वाचित बास्कोटा प्रधानमन्त्री केपी शर्मा ओली नेतृत्व सरकारको मन्त्रीपरिषद् बैठकमा भाग लिने गरि सञ्चार तथा सूचना प्रविधि राज्यमन्त्रीको रुपमा प्रवेश गरेका थिए । बाँस्कोटा २०७४ सालमा भएको निर्वाचनमा देशभरकै धेरै मत ल्याउने मध्ये दोस्रो नम्बरमा पर्छन् ।