धुलिखेल, ११ माघः नेपाल बीउ ब्यवसायी संघ काभ्रे जिल्ला समन्वय समितिको अध्यक्षमा रमण मानन्धर सर्वसम्मत चयन हुनुभएको छ । आज धुलिखेलमा भएको चौथो साधारण सभा तथा दोस्रो अधिबेशनले मानन्धर अध्यक्ष रहेको ११ सदस्यीय जिल्ला समन्वय समिति गठन गरेको हो ।

समितिको महासचिवमा राम गोपाल खत्री, सचिवमा टिका प्रसाद दाहाल, कोषाध्यक्षमा हरिकृष्ण मानन्धर चयन हुनुभएको छ । त्यस्तै सदस्यहरुमा शिव प्रसाद अधिकारी, शम्भु प्रसाद पराजुली, पुण्यराज कोइराला, विदुर जंगम, मुना दनुवार र सुरेश सुन्दर सैजु रहनुभएको छ ।

काभ्रेका वीउ ब्यवसायीहरुले सरकारले गर्न लागेको बीउ ऐन संशोधन ब्यवसायीको पक्षमा नरहेको भन्दै सबैको हित हुने गरी मात्रै ल्याउन आग्रह गरेका छन् ।