धुलिखेल, १६ पुसः काभ्रेको नमोबुद्ध नगरपालिका वडा न. ८ तल्लो हटियाका श्रेष्ठ दम्पत्तिको हत्यामा संलग्न दुई जना पक्राउ परेका छन् । जिल्ला प्रहरी कार्यालय काभ्रे र केन्द्रिय अनुन्धान ब्यूरोको टोलीले पक्राउ गरेको हो ।

हेर्नुस भिडियोमा

पक्राउ परेका दुई जनालाई आज जिल्ला प्रहरी कार्यालय धुलिखेलमा सार्वजनिक गरिएको हो । अभियुक्त सार्वजनिक गर्दै एसपी रविराज पौडेलले पक्राउ परेको उपर थप अनुसन्धानका लागि ७ दिन म्याद जिल्ला अदालतबाट थप गरिएको जानकारी दिए ।

पक्राउ पर्नेमा उदयपुर चौदण्डीगडी नगरपालिका वडा नम्बर १० का २३ बर्षीय सुमन राई र सोहि ठाउँका २० बर्षीय किरण कुमार मगर रहेको जिल्ला प्रहरी कार्यालय काभ्रेका एसपी रविराज पौडेलले जानकारी दिए । श्रेष्ठ दम्पत्तिको गएको कात्तिक १८ गते राति हत्या भएको थियो ।