धुलिखेल, २२ मंसिर काभ्रेको धुलिखेल नगरपालिका वडा नम्बर १ मा रहेको गोल्मा देवी आधारभूत विद्यालयमा नयाँ भवन बनेको छ ।

भूकम्प प्रतिरोधात्मक नयाँ चार कोठे भवनको आइतबार धुलिखेल नगरपालिकाका प्रमुख अशोक ब्यञ्जुले उद्घाटन गर्नुभएको हो । ‘हामी हाम्रो नगरभित्रका कोहि पनि बालबालिका असुरक्षित भवनमा बसेर पढ्न नपरोस भनेर लागिपरेका छौँ, नगरप्रमूख ब्याञ्जुले भने ‘सुरक्षित विद्यालय भवनसँगै गुणस्तरीय शिक्षालाई पनि नगरपालिकाले पहिलो प्राथमिकतमा राखेको छ ।

शिक्षा विकास तथा समन्वय ईकाई काभ्रेको ३६ लाख र धुलिखेल नगरपालिकाको ७ लाख आर्थिक सहयोगमा भवन निर्माण सम्पन्न भएको वडा नम्बर १ का वडाध्यक्ष रमेश प्रसाद घोरासैनीले जानकारी दिए ।

२०७२ सालको भुकम्पमा विद्यालयको भवन भत्किएपछि नयाँ बनाइएको हो । विद्यालय भवन बनेपछि अस्थायी सिकाई केन्द्रमा पढ्दै आएका बालबालिकालाई सजिलो भएको छ । विद्यालयमा सय जना विद्यार्थी पढ्दै आइरहेका छन् ।