२०८३, ४ मंसिर शुक्रबार

अन्तर्राष्ट्रिय जगत्मा नेपालको छवि उच्च  : मन्त्री ज्ञवाली

अन्तर्राष्ट्रिय जगत्मा नेपालको छवि उच्च  : मन्त्री ज्ञवाली


काठमाडौँ, २०कार्तिक परराष्ट्रमन्त्री प्रदीपकुमार ज्ञवालीले शान्ति प्रक्रियाको सफलता र समावेशी नयाँ संविधानका कारण अन्तर्राष्ट्रिय जगत्मा नेपालको छवि उच्च भएको बताउनुभएको छ ।

दशैँ, तिहार, नेपाल संवत् र छठ पर्वका अवसरमा नेपाल कम्युनिष्ट पार्टी (नेकपा) काठमाडौँ महानगरपालिका– २८ कमिटीले आज अनामनगरमा आयोजना गरेको चियापान कार्यक्रममा मन्त्री ज्ञवालीले कतिपय मुलुकले नेपालको शान्ति प्रक्रियाका अनुभवलाई पछ्याउन थालेको बताउनुभयो ।

उहाँले संयुक्त राष्ट्रसङ्घको ७३औँ महासभामा प्रधानमन्त्री केपी शर्मा ओलीले नेपालको शान्ति प्रक्रियाको सफलता र नयाँ संविधानको प्रगतिशील व्यवस्थाबारे सम्बोधन गरिरहँदा विश्व जगत्ले चनाखो भएर सुनेको उल्लेख गर्दै नेपालको छवि विगतको तुलनामा उच्च भएको बताउनुभयो ।

दक्षिण सुडान, अफगानिस्तान र म्यानमालगायत मुलुकका उच्चस्तरीय प्रतिनिधि नेपाल आएर यहाँको शान्ति प्रक्रियाबारे अध्ययन गरेर गएको भन्दै उहाँले पछिल्लो समयमा नेपालले छिमेकी भारत र चीनसँगको सम्बन्धलाई सन्तुलितरूपमा सुधार गरेको बताउनुभयो ।

सङ्घीय संरचना भर्खरै बनेकाले सरकारले छोटो समयमा जनताका सबै अपेक्षा पूरा गर्न नसकेको मन्त्री ज्ञवालीको भनाइ थियो । उहाँले समृद्धिको लक्ष्यलाई केन्द्रमा राखेर काम भइरहेको बताउनुभयो ।

नेकपाका केन्द्रीय सदस्य हिमाल शर्माले पछिल्लो समयमा नेपालको परराष्ट्र सम्बन्धमा सुधार आएको बताउनुभयो । अर्का केन्द्रीय सदस्य बलराम बाँस्कोटाले चाडपर्वपछि सरकारले गति लिने विश्वास व्यक्त गर्नुभयो ।

प्रकाशित मिति : २०७५, २० कार्तिक मंगलबार  १० : ५३ बजे

निर्वाचनको हार अस्थायी धक्का हो, निराश नहुनुस् : विद्यादेवी भण्डारी

काठमाडौं । नेकपा (एमाले) की वरिष्ठ नेता तथा पूर्वराष्ट्रपति विद्यादेवी

एमालेको उद्घोष : निर्वाचनबाट शक्ति आर्जन, आवश्यक परे आन्दोलनको आँधीबेहरी !

काठमाडौं । नेकपा (एमाले) ले पार्टीको राजनीतिक पुनर्जागरण र संगठनात्मक

लुम्बिनी विकास कोषमा नयाँ नेतृत्वको पदबहाली, सुशासन र पारदर्शितामा जोड

रुपन्देही । लुम्बिनी विकास कोषका नवनियुक्त उपाध्यक्ष आनी छोइङ डोल्मा,

राष्ट्रिय भेला सकियो, एमाले केन्द्रीय कमिटी बैठक आजै बस्दै

काठमाडौं । नेकपा (एमाले) ले पूर्वनिर्धारित कार्यतालिका परिवर्तन गर्दै केन्द्रीय

राष्ट्रिय भेलापछि एमालेको नजर केन्द्रीय कमिटी बैठकमा, आजै चौथो बैठक बस्दै

काठमाडौं । नेकपा (एमाले) ले राष्ट्रिय भेलालाई आजै समापन गरी