काठमाडौं १९ कार्तिक : प्रदेश नम्बर तीनको राजधानी काभ्रे सार्ने एजेण्डा राख्दा भौतिक पूर्वाधार विकास मन्त्री केशव स्थापित विस्थापित भएका छन् । मुख्यमन्त्री डोरमणि पौडेलले प्रदेशका भौतिक पूर्वाधार विकास मन्त्रीबाट बर्खास्त गरेपछि विस्थापित भएका हुन् ।

प्रदेश मन्त्रीपरिषदमा छुटै पशिचान बनाएका मन्त्री स्थापितले धेरै पटक राजधानी काभ्रे बनाउने एजेण्डालाई बैठकको मुख्य विषय बनाउदै आएका थिए । स्थापीतको एजेण्डामा बहुमत सदस्यको साथ रहेको प्रदेश सदस्यले खबरघरलाई बताए ।

आफु बर्खास्तीमा परेपछि राजनीति गर्ने मान्छेलाई पद पाउनु र गुमाउनु ठूलो कुरा नभएको भन्दै स्थापितले मुख्यमन्त्री पौडेलको कदमविरुद्ध पार्टी र प्रदेशसभामा सशक्त प्रतिवाद गर्ने चेतावनी दिएका छन् ।

मन्त्रिपरिषद् बैठकमा मुख्यमन्त्री पौडेलसँग फेस टु फेस गरी आफनो कुरा राख्दा स्थापितलाई पदबाट हटाइएको भनिए पनि विवादको मूल जड प्रदेश स्थायी राजधानी काभ्रे सार्ने पहल गरेकाले हटाइएको बुझिएको छ ।

प्रदेश राजधानीकै विषयलाई लिएर स्थापित र पौडेलबीच केही समयदेखि टकराव सुरु भएको थियो । मन्त्री पदको सपथलगत्तै स्थापितले हेटौंडाबाट चाँडै राजधानी सार्ने बताएपछि उनी र मुख्यमन्त्रीबीचको दुरी बढ्न थालेको थियो ।

मुख्यमन्त्री पौडेल अस्थायी राजधानी रहेको गृहजिल्लाको हेटौंडालाई नै स्थायी राजधानी बनाउन पहल गदैं अएका थिए । यो घटनासंगै अव काभ्रेमा राजधानी आउने कुरा हल्लामै सिमित हुने भएका छन् ।

प्रदेश सदनमा अव राजधानीकै विषयलाई लिएर महिनौ बहस शुरुहुने देखिन्छ । तर, स्थापित निटक सदस्यहरुले काभ्रे राजधानी सार्ने लबिङ नछाड्ने बताउदै आएका छन् । ।