धुलिखेल १८ कार्तिक : काभ्रेमा जुवाकोखालबाट १ लाख ६६ हजार नगद सहित ११ जना जुवाडेलाई प्रहरीले पक्राउ गरेको छ ।
नमोवुद्ध नगरपालिका वडा नं ९ फेदीबाट ११ जना जुवाडेहरुलार्इ पक्राउ गरिएको जिल्ला प्रहरी कार्यालयले जनाएको छ ।

प्रहरीका अनुसार जुवाको खालमा घरधनी जितापसिंह तामाङ, पाचखाल निवासी सोम तामाङ, नमोबुद्ध १० का सुकमान तामाङ, तेजबहादुर तामाङ,सुकमान लामा, प्रकाश श्रेष्ठ, पदम लामा, राजु लामा, विनोद लामा, चन्द्र लामा र कृष्णबहादुर अधिकारीलाई आइतबार विहान पक्राउ गरेका थिए ।

जिल्ला प्रहरी कार्यालयका प्रमुख रविराज खड्काका अनुसार पक्राउ परेका ११ जनालाई जुवा ऐन अन्तर्गत मुद्दा चलाउने तयारी भैरहेको जनाकारी दिएका छन् ।