बझाङ, १८ कात्तिक: युवा तथा खेलकूदमन्त्री जगतबहादुर विश्वकर्माले पुस महीनाभित्र बझाङको खेल विकासका लागि बजेट विनियोजन गरिने बताउनुभएको छ ।
सदरमुकाम चैनपुरमा आयोजित पत्रकार सम्मेलनमा उहाँले बुङ्गलमा क्रिकेट मैदानका लागि मन्त्रालयले रु ३० लाख विनियोजन गरेको र फेरि पनि बझाङका विभिन्न ठाउँमा खेल मैदान तथा कभर्ड हल निर्माणका लागि आवश्यक सहयोग गरिने प्रतिबद्धता जनाउनुभयो । उहाँले आजै नेपालको पुरानो विद्यालय सत्यवादी माविको भ्रमण गरेर हाताभित्र रहेको बाँझो खेल मैदानलाई सदुपयोग गर्न सक्दो पहल गर्ने प्रतिबद्धता व्यक्त गर्नुभयो ।
-रासस
प्रतिक्रिया