रुकुम असोज १३ रुकुम पश्चिममा कांग्रेसका नगर सचिव सहित १०० जनाले पार्टी परित्याग गरी नेपाल कम्युनिष्ट पार्टी ९नेकपा०मा प्रवेश गरेका छन् । कांग्रेस आठबीसकोट नगरपालिकाका सचिव ध्रुवजंग शाह सहित सात दर्जन कार्यकर्ता नेकपामा प्रवेश गरेका हुन् ।

नेकपामा प्रवेश गर्नेमा शाह सहित कांग्रेस आठबीसकोट नगरका नेता शसिराम सार्की, तरुण दलका नगर अध्यक्ष दिलिप बटाला ९कर्ण०, सचिव दिलिप बटाला र नेविसंघका क्षेत्रिय सदस्य सबिन बटाला रहेका छन् ।

त्यस्तै मनोज बटाला, कर्णवहादुर केसी, प्रेमप्रकाश बटाला, बिरेन्द्र बटाला, नरेन्द्र बटाला, गंगालाल खत्री, प्रकाश गौतम, बिरेन्द्र केसी, बिर्खवहादुर पुरी, जोखे सार्की, कर्णवहादुर पुन, प्रेमवहादुर खत्री र रामबहादुर बस्नेतले पनि कांग्रेस परित्याग गरी नेकपामा प्रवेश गरेका छन् ।

अब देश बनाउने भनेकै बामपन्थी भएकाले आफुहरु नेकपामा प्रवेश गरेको शाह नेतृत्वको टीमले बताएको छ । एक कार्यक्रमबीच नेकपाले उनीहरुलाई पार्टीमा प्रवेश गराएको हो । नेकपाका स्थायी समिति सदस्य तथा कर्णाली प्रदेश इन्चार्ज जनार्दन शर्मा प्रभाकर र नेकपाका नेता ठकेन्द्रप्रकाश पुरी लगाएतले पार्टी प्रवेश गराए ।