काठमाडौँ, १३ कार्तिक । सर्लाहीको रामनगर गाउँपालिका वडा नं २ रामनगरमा नेकपा र काँग्रेसका कार्यकर्ताबीच झडप हुँदा एक जनाको गोली लागेर मृत्यु भएको छ ।

मंगलबार बिहान दुई पार्टीका कार्यकर्ताबीच झडप हुँदा चलेको गोली लागेर काँग्रेस कार्यकर्ता ५० वर्षीय रामविलास महतोको मृत्यु भएको जिल्ला प्रहरी कार्यालयले जानकारी दिएको छ ।

नेपाली काँग्रेसबाट निर्वाचित वडाध्यक्ष रामनरेश महतोलाई सोमबार नेपाल कम्युनिस्ट पार्टीका कार्यकर्ताले कुटपिट गरेको विषयमा मंगलबार बिहान दुई दलका कार्यकर्ताबीच झडप भएको हो ।

झडपमा सात जना घाइते भएको प्रहरीले जनाएको छ । स्थितिलाई नियन्त्रणमा लिन प्रहरीले हवाई फायर र अश्रुग्यास प्रहार गरेको थियो । घटनाको अनुसन्धान भइरहेको प्रहरीले जनाएको छ ।