कञ्चनपर, ४ असोज : राष्ट्रिय जनता पार्टी नेपालका अध्यक्ष मण्डलका नेता राजेन्द्र महतोले संविधान कार्यान्वयन गर्न निकै चुनौती रहेको बताउनुभएको छ । कञ्चनपुरको बेलौरीमा आज आयोजित कार्यक्रममा उहाँले मधेशी समुदायका अधिकार संविधान संशोधनमार्फत सुनिश्चत गर्नका लागि संसद्मा प्रधानमन्त्रीलाई विश्वासको मत दियौँ भन्नुभयो । उहाँले भन्नुभयो, “अधिकार स्थापित गर्नका लागि प्रधामन्त्रीले अग्रसरता देखाउनु भएन, संविधान संशोधन हुने पर्र्खाइमा धेरै बस्यौँ ।”

नेता महतोले सुधारका सङ्केत नदेखिएपछि देशव्यापीरुपमा संविधानका विरुद्धमा हिँड्नु परेको उल्लेख गर्दै निर्मला हत्यारा पत्ता नलाग्नुमा प्रहरी सङ्गठनभित्रै बाट ढाकछोपकै कारण रहेको बताउनुभयो ।
-रासस