काठमाडौं, भदौ १९ । प्रहरीले काठमाडौंबाट नक्कली सुनसहित ६ जनालाई पक्राउ गरेको छ ।महागनरीय प्रहरी परिसर काठमाडौंले दुई किलो नक्कली सुनसहित पक्राउ परेकाहरुलाई मंगलबार सार्वजनिक गरेको हो ।पक्राउ पर्नेमा धादिङका अभिषेक तामाङ, राज तामाङ, नुवाकोटका राम तामाङ, जितेन तामाङ, काठमाडौंको नेपालटार बस्दै आएका वीरेन्द्र तामाङ र धादिङकै राजकुमार तामाङ छन् ।

प्रहरीले उनीहरुलाई नागढुंगामा चेकजाँच गर्नेक्रममा पक्रेको हो ।मानगरीय प्रहरी परिसरका प्रवक्ता रामदत्त जोशीले नक्कली सुनलाई सक्कली भनेर बिक्री गरिरहेको सूचनाको आधार उनीहरुलाई पक्राउ गरिएको बताए ।यसैगरी, प्रहरीले चितुवाको छालासहित रोल्पा निवासी २२ वर्षीय अनमोल झाक्रीलाई चक्रपथबाट पक्राउ गरी मंगलबारै सार्वजनिक गरेको छ । चितुवाको छाला बेचबिखन गर्नेक्रममा झाक्रीलाई पक्राउ गरिएको प्रहरीले जनाएको छ ।