रौतहट। रौतहटको लालबकैया नदीमा डुंगा डुब्दा हराइरहेका मध्ये १५ जना सम्पर्कमा आएका छन् । हराएका मध्ये १५ जनाको उद्धार गरिएको छ भने अन्य बाँकि हराइरहेका छन् । उद्धारकार्य जारी छ ।

औरहियाबाट गौरतर्फ आउँदै गरेको डुंगा पुल र्निर्माणका लागि बनाइएको पिल्लरमा ठोक्किएर दुर्घटना भएको हो । घटनास्थलमा खटिएका प्रहरी एसपी केदार ढकालका अनुसार डुंगामा सवार यात्रुहरु भारतीय क्षेत्रतिर रहेको खेत बारीमा काम गर्न गएका र फर्कने क्रममा दुर्घटना भएको हो । डु‌ंगा चालक सम्पर्कमा आएको र चालकले यकीन यात्रु संख्या बताउन नसकेको तर अन्दाजी ३५ देखि ४० जनासम्म हुनसक्ने बताएको एसपी ढकालले बताए ।

यस आधारमा अझै २५ जना हराईरहेको जनाइएको छ । उनले भने ‘डु‌ंगा चालकले डु‌ंगामा ३५ देखि ४० जना रहेको बताएको छ र हामीले यतिखेरसम्म १५ जनाको उद्धार गरिसकेका छौं’, एसपी ढकालले बताए , ‘मैले भारतको सितामढीको प्रहरीस‌ँग समन्वय गरिसकेको छु, उनले पनि पारीपट्टी सुरक्षाकर्मीको टोलीलार्इृ उद्धारका लागि परिचालन गरिसकेका छन । सीमाक्षेत्रमा घटना भएकाले दुवैतर्फका सुरक्षाकर्मीको समन्वयमा उद्धारकार्य जारी छ । प्रहरीका अनुसार डुंगा नै फुटेको छ ।