काठमाडौँ, ३० साउन : अबैध चन्दा संकलन गरेको आरोप खेपिरहेका विप्लव नेतृत्वको नेकपाका प्रवक्ता खड्ग बहादुर विश्वकर्मालाई भोली सर्वेाच्च अदालतमा पेश गरिने भएको छ । एक हप्तोखि प्रहरी हिरासतमा रहेका प्रकाण्डलाई भोली सर्वोच्चमा उपस्थित गराउने महानगरीय प्रहरी परिसर काठमाडौंको तयारी छ । स्रोतका अनुसार प्रकाण्डले चन्दा उठाएको स्वीकार गरेका छन् ।

जिल्ला अदालत काठमाडौंले बुधबार मात्र उनलाई थप दुई दिन थुनामा राखेर अनुसन्धान गर्न अनुमति दिएको छ। सर्वोच्चले सोमबार बाटोको म्याद बाहेक ४८ घण्टाभित्र उपस्थित गराउन आदेश दिएको थियो ।विप्लव पार्टीका प्रवक्ता प्रकाण्ड हेटौंडाबाट काठमाडौं आउने क्रममा २३ साउनमा पक्राउ परेका थिए । उनलाई काठमाडौं प्रहरीको हिरासतमा राखिए पनि अनुसन्धान भने विशेष ब्यूरो र केन्द्रीय अनुसन्धान ब्यूरो सीआईबीले गरेको छ ।

प्रतिष्ठित उद्योगपतिदेखि व्यपारीहरुबाट विप्लव समूहले ठूलो रकम चन्दा उठाइरहेको सूचना गृह मन्त्रालयसम्म पुगेपछि समूहमाथि सुरक्षा निकायले निगरानी बढाएको थियो ।