काठमाडौं । परिवारको इच्छा विपरित गल्लाहरुको पछि लागेर लाहुरे बनेका वरिष्ठ कलाकार भीमबहादुर थापाको मंगलबार राति निधन भएको छ । खोटाङको दुर्गम वस्तीमा गाई चराउन गोठालो गएको बेला जंगलबाटै लुकुछिपी गल्लाको पछि लागेर लाहुरे बनी विश्वयुद्ध लडेका थापा सेनाबाट फर्किएपछि कला क्षेत्रमा लागेका थिए । लामो समयदेखि छाती, फोक्सो लगायत समस्याबाट पीडित थापाको निधन ९२ वषको उमेरमा गत मंगलबार राति २ बजेतिर उनको निवास काठमाडौंको मैतीदेवीमा भएको थियो । कलाकार थापाले दर्जनौं चलचित्र, टेलिफिल्म र रेडियो नाटकमा अभिनय गरेका छन् । हाँस्य टेलिफिल्म ‘तीतो सत्य’को अभिनयले उलाई थप लोकप्रिय बनाएको थियो ।
प्रतिक्रिया