काभ्रेको तेमाल गाउँपालिका वडा नम्बर २ का दुईवटा विद्यालयलाई कम्प्युटर र ल्याप्टप हस्तान्तरण गरिएको छ । बालकल्याण आधारभूत विद्यालय र सर्बोद्धवर माविलाई चारवटा कम्प्युटर र दुई वटा ल्याप्टप हस्तान्तरण गरिएको हो ।

हाल जापानमा बसोबास गदै आएका सस्र्यूखर्कका ईन्द्रजित तामाङले बालकल्याण आधारभुत विद्यालयलाई चारवटा कम्प्युटर र एक वटा ल्यापटप हस्तान्तरण गरेका हुन । त्यस्तै सर्बोद्धवर माबिलाइ एउटा ल्यापटप र टेबुल कुर्सी हस्तान्तरण गरेका हुन् । शुक्रबार एक कार्यक्रमका बीच ईन्द्र जित लामाले जापानमा रहेका साथीहरूसंग रकम संकलन गरि खरिद गरिएका कम्प्युटर, ल्याप्टप, टेबल, कुर्सी विद्यालयलाई हस्तान्तरण गरिएको हो । कार्यक्रममा बोल्दै इन्द्रजित तामाङले कम्प्युटरले ग्रामीण भेगका बालबालिकालाई प्रविधिसँग नजिक बनाउने र दक्षजनशक्ति उत्पादनमा मद्दत पुग्ने बताए । “यो सहयोग लागिका सहयोग मात्रै गरिएको होइन, उनले भने “बाल्यकालमा आफुले कम्प्युटर छुन त के देख्न पनि मुस्किल थियो, तर अबका सन्तातिलाई त्यस्तै वातावरणमा हुर्काउनु हुदैन् ।”

कार्यक्रममा वडा नम्बर २ का वडाध्यक्ष तेमाल सिं लामाले विदेश पुगेका युवाहरुले त्यहाँ सिकेका सिप र प्राविधिलाई आफ्नो गाउँ, ठाउँमा पुर्याउन सके समृद्ध गाउँ बन्न ढिलाई नहुने बताए । “विश्वका धेरै देश प्रविधिमा निकै अघि बढीसकेका छन्, वडाध्यक्ष लामाले भने “हामी उनीहरुको दाजाेँमा पुग्न त समय लाग्ला तर समय सापेक्षित ढंगले अघि बढ्न विदेश गएका युवाहरुको ठूलो भूमिका रहन्छ ।” स्थानीय समाजसेवी जगतमान तामाङले नयाँ प्राविधिले शिक्षण सहयोग पुग्ने बताए । प्रधानाध्यापक कुमारसिं तामाङले अब तेमाल भेगमै यो विद्यालय नमूना हुने बताए । स्थानीय अभिभावक चन्द्र सिं लामा र वडा सदस्य डिल्लीमान लामाले वर्तमान शिक्षा प्रणालीलाई समेत सहयोग पुग्ने बताए ।