पाँचखाल । काभ्रेको पाँचखाल नगरपालिका वडन नं. ४  तामाघाट बोहोरे दोभान जाने बाटो नजिकै प्रहरीले ५ राउण्ड हवाई फायर गर्दै नक्कली डलरको कारोबार गर्नेलाई पक्राउ गरेको खबर छ । आइतबार दिसँसो करिब ३ बजे नक्कली डलर साट्ने गिरोहलाई पक्राउ गर्न प्रहरीले हवाई फायर गरेको थियो ।

सस्तोमा डलर साटिदिने भन्दै नक्कली डलर देखाई ठग्न खोज्ने गिरोहलाई पक्राउ गर्न प्रहरीले गोली चलाउन बाध्य भएको प्रहरी श्रोतले बताएको छ । प्रहरीमाथि नै आक्रमण गर्न खोजेपछि पेस्तोलबाट पाँच राउण्ड गोली चलाइएको इन्सपेक्टर रविराज थपलियाले बताएका छन् । एकान्तमा डलर साट्नुपर्ने भन्दै ती नक्कली कारोबारहिरुले केही व्यक्तिलाई हवाई फायर गरिएको स्थानमा बोलाएका थिए ।

प्रहरीले सिन्धुपाल्चोक बाह्रबिसेका विनोद तामाङलाई पक्राउ गरेको छ। उनीबाट २५ हजार नक्कली डलर र बा ७२ प ३०९६ नम्बरको मोटरसाइकल बरामद गरेको छ। नक्कली डलरको कारोबारमा संलग्न अन्य व्यक्तिहरु भने फारार भएको बताइएको छ ।