काभ्रे तेमालको सस्र्यूर्खमा फुटबल मैदान निर्माण गरिएको छ । फुटबल मैदान तेमाल गाउँपालिका वडा नम्बर १ आधाबाट, रुपाटार चौरमा निर्माण गरिएको हो । फुटबल मैदान वडा कार्यालयको आर्थिक र प्राविधिक सहयोगमा निर्माण गरिएको फुटबल मैदान निर्माण समितिका अध्यक्ष सूर्य बहादुर तामाङ (ज्याकी)ले जानकारी दिए ।

वडा कार्यालयको ३ लाख आर्थिक सहयोगमा मैदान निर्माण गरिएको अध्यक्ष तामाङले बताए । मैदान निर्माण भएपछि आधाबाट भेग आसपासका युवा तथा बालबालिकाहरुलाई फुटबल खेल्न सजिलो भएको स्थानीय युवा पूर्ण विकले बताए । पहिला सामान्य चौररहेको उक्त स्थानमा नै विभिन्न फुटबल प्रतियोगिता हुने गरेको थियो । तर अहिले मैदान फराकिलो बनेपछि त्यस्तो समस्या हटेको अध्यक्ष तामाङले बताए ।

स्थानीय तह निर्माण भएपछि तेमाल गाउँपालिका मै पहिलो पटक आधाबाटमा फुटबल मैदान निर्माण भएको हो । ५० मिटर लम्बाई र ३५ मिटर चौडाई भएको मैदान निर्माण पुरा भएकाले अब वडा, पालिका र क्षेत्रिय स्तरका प्रतियोगिता आयोजना गर्न सकिने स्थानीय युवा संग्राम तामाङले बताए ।