काठमाडौबाट पनौतीका लागि यात्रु लिएर आएको मयूर यातायात प्रालिको बस चालकमाथि काभ्रेको साँगामा कुटपिट भएको छ । बा ५ ख १५४६ नम्बरको चालक रामेश्वर सुनुवार आइतबार साँझा काभ्रे मिनिबस सेवा समितिका चालक र सहचाकले कुटपिट गरेका हुन् ।

कुटपिटबाट चालक सुनुवार सामान्य घाइते भएको प्रहरीले जनाएको छ । सागाँमा काभ्रे मिनिबस सेवा समिति अन्र्तगत सञ्चालनमा रहेको बा ५ ख २६३९ नम्बरको बस चालक र सहचालकले यात्रु चढाउने विषयलाई लिएर मयूर यातायातका चालकलाई कुटपिट गरेको जिल्ला प्रहरी कार्यालय काभ्रेका प्रहरी प्रमुख एसपी सहकुलबहादुर थापाले जानकारी दिए ।

कुटपिटमा संग्लन रहेका ५ जनालाई पक्राउ गरिएको एसपी थापाले जानकारी दिए । थापाका अनुसार पक्राउ पर्नेहरुमा काभ्रे मिनिबसका सुमन श्रेष्ठ, परिचन्द्र श्रेष्ठ, सुमन धिमाल, विजय थापा र तिर्थ तिया रहेका छन् ।