काठमाडौं । अनेरास्ववियुकी अध्यक्ष तथा प्रतिनिधिसभामा नेकपा एमालेकी सांसद नविना लामा वैशाख १३ गते वैवाहिक जीवनमा प्रवेश गर्दैछिन् ।

लामाले अनेरास्ववियुकै पूर्व नेता प्रवीण श्रेष्ठसँग रहेको प्रेम सम्बन्धलाई विवाहमा परिणत गर्न लागेकी हुन्। काभ्रेको मादन कुडारीमा जन्मेकी नविना लामाले काभ्रेकै पाँचखाल नगरपालिकाका प्रविण श्रेष्ठसंग विवाह गर्न लागेकी हुन् ।  नविना र प्रविणले वैवाहिक समारोहको प्रमुख आतिथ्यका लागि प्रधानमन्त्री तथा पार्टी अध्यक्ष केपी शर्मा ओलीलाई भेटेर निम्ता दिएका छन् । विवाह आर्मी अफिसर्स क्लब काठमाडौंमा हुने परिवार स्रोतले जनाएकोछ ।

अनेरास्ववियुको अध्यक्ष भएपछि विहे गर्ने घोेषणा गरेकी नविना लामाले विवाहलाई सामान्य रुपमा सम्पन्न गर्ने योजना रहेको लामाले बताइन् ।