२०८२, १८ भाद्र बुधबार

योग खेलकुद संघ काभ्रेले योग प्रतियोगिता गर्दै

योग खेलकुद संघ काभ्रेले योग प्रतियोगिता गर्दै


बनेपा । नेपाल योग खेलकुद संघ काभ्रेले आगामी बैशाख ८ र ९ गते काभ्रेको बनेपामा प्रथम उपत्यका व्यापी योग खेलकुद प्रतियोगिता गर्ने भएको छ ।

प्रतियोगितामा उपत्यकाका तीन र काभ्रेका योग साधक तथा साधिकाहरुले सहभागिता जनाउने प्रचार संयोजक भेषराज शाहले बताएका छन् । सहभागी साधक÷साधिकाहरुलाई सहभागिता जनाउने जिल्ला संघहरुले छनौट गरी पठाउने छन् । प्रचार संयोजक शाहकाअनुसार प्रतियोगितामा एक जिल्लाबाट १० जनाले सहभागिता जनाउने छन् । प्रतियोगितामा सहभागीहरुले योग साधनामा उत्कृष्ट प्रदर्शन गर्नेलाई अंक तालिकाका आधारमा नगद, मेडल सहित पुरस्कृत गर्ने कार्यक्रम रहेको जनाइएको छ ।

प्रतियोगितामा सहभागिता जनाउन विद्यार्थी समुहका लागि ११ देखि १७ वर्ष, युवाका लागि १८ देखि ४९ वर्ष र ५० वर्ष उमेरभन्दा माथिका उमेर समुहले छुट्टाछुट्टै सहभागिता जनाउन सक्नेछन् । प्रतियोगतालाई भव्यतापूर्वक सम्पन्न गर्नका लागि नेपाल योग खेलकुद संघ काभ्रेले विभिन्न उप–समितिहरुको गठन गरी तयारीलाई तीब्रता दिएको प्रचार संयोजक शाहले बताएका छन् । नेपाल योग खेलकुद संघ केन्द्रले गत माघमा राष्ट्रिय प्रतियोगिता ईटहरीको रंगशालामा सम्पन्न गरेपछि नेपाल योग खेलुकुद संघ काभ्रेले प्रथम उपत्याकाव्यापी योग खेलकुद प्रतियोगिता गर्न लागेको हो ।

तियोगिताबाट स्वस्थ जीवनका लागि उल्लेख्य योगदान पुग्ने विश्वास आयोजकले गरेको छ । योग खेलकुद संघलाई यसै वर्ष मात्रै खेलकुद परिषले मान्यता दिएको थियो । आयोजक संस्थाले निरोगिता र दीर्घ जीवन जीउनका लागि सबै उमेर समुहकाले योग खेलमा सहभागीता जनाउन समेत आव्हान गरेको छ ।

प्रकाशित मिति : २०७४, २७ चैत्र मंगलबार  ५ : ४७ बजे

पुतलीसडकमा माइक्रो बसको ठक्करबाट बालिकाको मृत्यु

काठमाडौं । काठमाडौंको पुतलीसडकमा माइक्रो बसको ठक्करबाट ५ वर्षीया बालिका

वरिष्ठ लोकगायिका इन्दिरा गोले गुरुङको निधन

ललितपुर । वरिष्ठ लोकगायिका इन्दिरा गोले गुरुङको निधन भएको छ।

प्रधानमन्त्री ओली आज स्वदेश फिर्ता हुँदै

काठमाडौं । प्रधानमन्त्री केपी शर्मा ओली आज चीन भ्रमण सकेर

एमालेको केन्द्रीय सचिवालय बैठक भदौ १९ गते, विधान महाधिवेशनको तयारी तीव्र

काठमाडौं । नेकपा (एमाले)को दोस्रो विधान महाधिवेशनको पूर्वसन्ध्यामा पार्टी केन्द्रीय

बेइजिङमा ऐतिहासिक गठबन्धनको संकेतस् सी,पुटिन र किम जोङ एउटै मञ्चमा

बेइजिङ । दोस्रो विश्वयुद्धको अन्त्यको ८०औं वार्षिकोत्सवको अवसरमा चीनले आयोजना