कुनै बेला अविरल बग्ने इन्द्रावती । हिजोआज त्यहि अवस्थामा बगेको छ कि छैन् होला ? इन्द्रावती आसपासका स्थानीयले त देखेकै छन् । त्यो भन्दा बढी इन्द्रावती दोहन गरिरहेकाले मज्जाले हेरिरहेका छन् । स्थानीयहरु बेलाबखत कराउँछन्, इन्द्रवती केहिदिन संलिएर बग्छ । फेरी उस्तै भै हाल्छ ।

बगरमा खेती गर्दै आएका स्थानीयहरुको खुशी लुटेर क्रसर ब्यवसायीले प्रशासनकै धज्जी उडाइरहेका छन् । स्थानीयको भनाईमा प्रशासनकै मिलेमत्तोमा उनीहरुले नदीलाई जुकाले चुसे झै चुसिरहेका छन् । जुकाको त सिजन आउँछ । रगतले टन्न भएपछि झर्छ । तर नदी चुसिरहेकाहरुको न कुनै सिजन छ । न त कुनै बिश्राम । शान्त, कञ्चन सुसेली हाल्दै बग्ने इन्द्रावती तिमीलाई हिजो आज किन सङ्लिएको देख्नै सक्दैन् । ती मान्छेहरु । जो मान्छेले तिम्रो अस्मिाता लुटिरहेका छन् । किन भेला, बाढी बनेर बनाउँदैनौँ ।

तिमीलाई सधै धमिलो बनाइरहने संरचनालाई ।तिमी बग्ने सतह साविकको भन्दा झण्डै ५ फिट गहिरिसकेको छ । साउनको भेलले बचेका बगर टाकुरा जस्तै बनिसके । स्काभेर प्रयोग गरेर तिम्रो स्वतन्त्रतालाई छेकिरहेका छन् । आफ्नो अनुकुल बाटो बनाएर, ढुंगा निकालिरहेका छन् । इन्द्रवती के तिमी हिड्ने बाटो कहिले सिधा हुन्छ ? माझी समुदायको छाक खोसिएको छ । भूकम्पप्रभावित वस्तीले तस्करहरुलाई नियाली रहेछ । गत बैशाखमा सकिएको चुनाव पछि संलिएर बक्ने सपना त तिम्रो पनि थियो होला । तर त्यो पुरा हुने छाटकाट देखिएको छैन । तिमीलाई सङलो पार्ने भनेर हामीसँग भोट मागेर जितेकाहरु पनि अहिले धमिल्याउनेहरुसँगै पो मिलेका छन् अरे ।

सिडियो, एसपीको नेतृत्वमा बेला बखत एक हुल मान्छे तिमीलाई नियाल्न त आइपुग्छन् । तिम्रो पिडामा मोलम लगाउन भन्दै । तर तिम्रो पिडा एक,दुईवटा सिउरमा साटेर फर्कछन् । सुनेको छु तिम्रो पिडामा अझ धेरै रमाएउँदै कयौँ हात्तिको बथान सुर्के थैलीमा पोको पारेर फर्किएको । इन्द्रावती तिम्रो छातीमा राजहरु कति भक्त हुदाँ हुन ।