बनेपा । काठमाडौँ बनेपा रूटमा आजदेखि सञ्चालनमा आएको नयाँ समितिको बसलाई बनेपामा अबरोध सिर्जना गरिएको छ । काभ्रे बस र काभ्रे मिनिबस सेवा समितिको दादागीरी र सिन्डीकेट रहेको यस रूपमा मयुर यातायात प्रा।लिले वाइफाई सुविधा सहितको नयाँ बस संचालनमा ल्याएपछि उनीहरुले बाटो छेक्ने प्रयास गरेका हुन् ।

मयूर यातायात प्रालिले आजबाट बनेपा काठमाडौं चक्रपथ परिक्रमा ग र्ने गरी बस सेवा सुरु गरेको छ । नया समितिको बस कोटेश्वर–लोकन्थली ,कौशलटार, गठ्ठाघर,सल्लाघारी, सूर्यविनायक,जगाती, साँगा, बनेपा हुँदै सोही सडक फिर्ता हुने गरी रुट तय गरेको छ । प्रालीले यातायात व्यवस्था विभागको अनुमति पत्र नं ११०६ समेत बसको अगाडी भागमै उल्लेख गरेको छ ।

यस रुटमा दादागीरी देखाउदै थोत्रा बस संचालन गदै आएका काभ्रे बस र काभ्रे मिनिबस सेवा समितिका पदाधिकारीहरुले बनेपाको चारदोबाटोमा जम्मा भई नयाँ सुविधा सम्पन्न गाडीलाई रोक्ने र यात्रुहरुलाई चड्न नदिने कार्य गरेका थिए। तर  काभ्रे उद्योग वाणिज्य संघका पूर्व अध्यक्ष समाजसेवी कृष्णगोपाल भैलले मयुर बसको स्वागतमा फेसबुक बाटै स्वागत गरेको छ ।

उनले आफ्नो फेसबुक वालमा लेखेका छन ‘स्वागत गरौं सम्पूर्ण बनेपा बासीका तर्फबाट, काभ्रेको बनेपाबासीहरुलाई खुशिको खबर । आजबाट मयुर यातायातको काठमाडौको चक्रपथ परिक्रमा गर्दै बनेपासम्म नयां बस सेवा शुरु भयो ।’ स्मरण रहोस काभ्रे बस र काभ्रे मिनिबस सेवा समितिका दर्जनौं बसहरु २० वर्ष पुराना थोत्रा रहेका छन् ।

सरकारले यस्ता सवारी साधन चैत १ गतेदेखी सञ्चालनमा आए तत्कालै जफत गरि लिलाम गर्ने बताईएको छ । यस समितिको चालक र सहचालकमा अनुशासन रत्तिभर पनि देखिदैन। यो समितिले संकटको बेला पनि यातायातको सुविधा दिएको कुरा बिर्सनु हुँदैन। तर यसको मतलब पुरानो र थोत्रो नै गाडी चढी रहनु पर्छ भन्ने छैन। सडक कुनै अमुख समितिको पेवा होइनन्। त्यसैले प्रतिस्पर्धा गर्न सबैले पाउनु पर्छ।