फागुन २० बनेपा । बनेपा नगरपालिकाको वडा नम्बर ६ ले आफ्नो वडाको सुन्दरता कायम गर्न सरोकारवालाहरुको सहभागीतामा अभियान चलाउने भएको छ ।

आगामी फागुण २१ गते सोमवारका दिन विहान १० बजे वडाको अरनीको राजमार्ग चण्डेश्वरी खोलादेखि धुलिखेलको सिमानासम्मको दायाँबायाँ सडक सिमानाका वडाबासीहरुलाई सडक खाली गर्न अनुरोध गर्न वडाले उक्त अभियान चालाएको हो ।  अरानीको राजमार्गदेखि ७५ फिटभित्र रहेका सडक अतिक्रमण तथा बाटो अवरोध हटाई सफा गर्ने अभियानमा सहभागी हुन सम्पूर्ण वडाबासीहरुलाई वडा कार्यालयले अनुरोध समेत गरेको छ ।  वडाभित्र रहेका विभिन्न संघ संस्थाका प्रतिनिधि, वडाबासी बुबा आमा, दाजु–भाइ, दिदी–बहिनी तथा सरोकारवाला महानुभावहरुले अभियानमा सक्रियताका साथ सहभागी हुने विश्वास वडाले गरेको छ ।

स्वच्छ वातावरण, सुरक्षा र सुन्दरता कायम गराउन प्रतिवद्ध रहेको वडालाई सघाउनका लागि वडा नम्बर ६ का वडाअध्यक्ष सचितानन्द केसीले सबैमा अनुरोध समेत गरेका छन् ।