२० फागुन, बनेपा। नेपाली कांग्रेसको संसदीय दलको नेताका लागि कांग्रेस सभापति शेरबहादुर देउवाले प्रकाशमान सिंहसँग भिड्नुपर्ने भएको छ । कांग्रेस संसदीय दलको नेता बन्नका लागि पूर्व प्रधानमन्त्री एवं कांग्रेस सभापति शेरबहादुर देउवा र सर्वोच्च कमाण्डर गणेशमान पुत्र प्रकाशमान सिंहले उमेद्वारी दिने भएपछि देउवा सिंहसँग भिड्ने भएका हुन् ।

कांग्रेस संसदीय दलको नेता चयनका लागि आज मतदाताको नामावली प्रकाशन र उम्मेदवारी दिने कार्यक्रम छ । भोलि हुने निर्वाचनका लागि आज साँझ उम्मेदवारी दर्ताको कार्यक्रम राखिएको नेपाली कांग्रेसले जनाएको छ । निर्वाचनमा पार्टीले व्यहोर्नु परेको हारसँगै संसदीय दलको नेतामा पार्टी सभापति शेरबहादुर देउवाप्रति नेपाली कांग्रेसमा असुन्तुष्टि चुलिएका बेला पूर्व महामन्त्री समेत रहेका नेता प्रकाशमान सिंह प्रतिस्पर्धामा आउने बुझिएको छ । आज साँझ ६ बजेदेखि ७ बजेसम्म उम्मेदवारी दर्ताको कार्यक्रम निर्धारण गरेको छ । नेता चयनका लागि मतदान भने सोमबार बिहान १० बजेदेखि १ बजेसम्म हुनेछ ।