जिल्लाको पयर्टकीय नगर धुलिखेलमा काभ्रे महोत्सव हुने भएको छ । धुलिखेल–काभ्रे महोत्सव नाम दिइएको उक्त महोत्सव फागुनको २३ गते शुरु भएर चैत ३ गतेसम्म सञ्चालन हुन धुलिखेल उद्योग वाणिज्य संघका अध्यक्ष मञ्जु कुमार कोजुले जानकारी दिए । धुलिखेल उद्योग वाणिज्य संघले आयोजना गर्ने उक्त महोत्सव १० दिनसम्म चल्ने छ ।

धुलिखेल स्थिति टुडिखेल मैदानमा सञ्चालन हुने महोत्सवमा होटल, कृषि, पशुपालन, पर्यटन, विभिन्न औजार, सामग्री सहित १ सय ५० वटा विभिन्न स्टल रहने अध्यक्ष कोजुले जानकारी दिए । “धुलिखेललाई मात्रै नभइ समग्र जिल्लाको प्रचारप्रसार गरी आन्तरिक तथा बाह्य पर्यटक जिल्ला भित्र्याउन महोत्सवको आयोजना गरिएको हो, उनले भने “महोत्सवमा जिल्ला भित्रै उत्पादन भएका विभिन्न वस्तुहरु बिक्रीका लागि राखिने छ ।”