९ पुष, धुलिखेल । संघीय लोकतान्त्रिक गणतान्त्रिक नेपालको संविधान २०७२ का आधारमा पहिलोपटक सम्पन्न भएको प्रदेशसभा निर्वाचनमा काभ्रेबाट निर्वाचित सांसद बसुन्धरा हुमागाईले प्रदेश नम्बर ३ मा सबैभन्दा धेरै मत प्राप्त गरी प्रथम स्थान हासिल गरेका छन् । उनले देशभरबाट निर्वाचित भएका प्रदेशसभा सांसदहरुमध्ये दोस्रो लोकप्रिय मत पाएका छन् ।

काभ्रे जिल्ला प्रतिनिधिसभा निर्वाचन क्षेत्र नम्बर २ को प्रदेशसभा २ बाट निर्वाचित सांसद हुमागाईले २८ हजार ६ स ७७ मत प्राप्त गरी दोस्रो लोकप्रिय मत कायम गरेका हुन् । पहिलो स्थान भने झापा जिल्लाको प्रतिनिधिसभा निर्वाचन क्षेत्र नम्बर ५ को प्रदेशसभा २ का निर्वाचित सांसद अर्जुन राईले कायम गरेका छन् । उनले ३० हजार ९ सय ७३ मत पाएका थिए । त्यसैगरी तेस्रो स्थानमा बर्दिया जिल्ला निर्वाचन क्षेत्र नम्बर २ को प्रदेशसभा १ का सांसद कुलप्रसाद पोखरेल परेका छन् । उनले २८ हजार ३ सय २३ मत प्राप्त गरेका थिए ।