सुनसरी/संघीय समाजवादी फोरमका बरिष्ठ नेता अशोक राईले लज्जास्पद हार ब्यहोरेका छन् । नेपाली काँग्रेसको समर्थनमा उम्मेदवार बनेका राई सुनसरी क्षेत्र नम्बर १ मा लज्जास्पद पराजय भोगेका हुन् ।

राईलाई एमालेका जयकुमार राईसँग दोब्बर मतान्तरमा पराजित गरे । एमालेका जयकुमार राई ४४ हजार ५२८ मत सहित बिजयी हुदाँ अशोक राईले २२ हजार १२३ मात्रै मत प्राप्त गरे । एमालेको उपाध्यक्ष पद छाडेर जातीय पहिचानको लागि संघीय समाजवादी पार्टी खोलेका अशोक राई २०७० मा समानुपातिकबाट सांसद बनेका थिए ।

उपेन्द्र यादवको मधेशी जनअधिकार फोरमसँग एकता गरेर बरिष्ठ नेता बनेका राईको पराजयसँगै पहाडबाट फोरमले कुनै पनि क्षेत्रमा चुनाव जित्ने सम्भावना सकिएको छ । कांग्रेसकै समर्थनमा भोजपुर ‘क’ बाट प्रदेशसभा उम्मेदवार बनेका फोरमका उपमहासचिव अजम्बर काङवाङ पनि एमालेका राजेन्द्र राईसँग पराजित भइसकेका छन् ।