काठमाण्डौ/काभ्रे प्रतिनिधिसभा निर्वाचन क्षेत्र नम्बर १ अन्तर्गत प्रदेशसभा (क) मा बाम गठबन्धनका उम्मेदवार रत्न ढकाल विजयी भएका छन् ।

ढकालले २५ हजार १०६ मत ल्याएका छन् भने उनका निकटतम प्रतिद्धन्द्धी नेपाली काँग्रेसका उम्मेदवार सिबी लामाले १७ हजार ८५५ मत ल्याएका थिए । ढकाल र लामाको मतअन्तर ७ हजार २५१ रहेको छ ।

६६ हजार २८५ मतदाता रहेको उक्त प्रदेशमा ४५ हजार २५ मत खसेको थियो । मूख्य निर्वाचन अधिकृतको कार्यालयका अनुसार ४३ हजार ७५९ मत सदर भएका थिए । १ हजार २६६ मत बदर भएको छ ।

यो प्रदेशमा देशभक्त जनतान्त्रिक मोर्चा नेपाल ३९१, नयाँ शक्ति पार्टी नेपाल १६६, संघीय समाजवादी फोरम नेपाल १९२,नेपाल मजदुर किसान पार्टी ३३ र स्कुटर चिन्ह रहेका स्वतन्त्र उम्मेदवारले १६ मत प्राप्त गरेका छन् ।