काठमाडौं । भक्तपुरमा नेकपा एमालेका युवा नेता महेश बस्नेतले पूर्व सभामुख तथा कांग्रेस नेता दमननाथ ढुंगानालाई दोब्बर मतको अन्तरले पछि पारेका छन् । मतगणनाको शुरुदेखि नै अग्रता लिइरहेका बस्नेतले बस्नेतले २४ हजार ८६५ मत पाएका छन् ।

दमननाथ ढुंगाना १२ हजार ८९५ मतका साथ बस्नेतलाई पछ्याइरहेका छन् ।

सुर्यविनायक र मध्यपुर ठिमी दुई नगरपालिका रहेको सो क्षेत्र यसअघि कांग्रेसको गढका रुपमा परिचित थियो । तर यसपटक भने स्थानीय चुनावमा दुवै नगरपालिका एमालेले जितेको थियो । त्यसैको प्रभाव प्रतिनिधिसभा तथा प्रदेशसभाको निर्वाचनमा समेत देखिएको छ । सो क्षेत्रमा नेपाल मजदूर किसान पार्टीको मत भने अनुराधा थापा मगरले सुरक्षित गर्न सकिनन् ।

यसैबीच महेश बस्नेतसँग प्रतिस्पर्धा गर्न गएका पूर्व सभामुख दमननाथ ढुंगानाले आफ्नो सम्भावित पराजय स्वीकार गरेका छन् । उनले ट्वीट गर्दै भने “भूतले खाजा खाने बेलामा उठिए जस्तो छ ।”