काठमाडौं / दाङको २ नम्बर निर्वाचन क्षेत्रको प्रदेशसभा ‘क’ मा एमाले नेता शंकर पोखरेल विजयी भएका छन् । पोखरेलले काँग्रेस उम्मेदवार कमल किशोर घिमिरेलाई ९ हजार ५४८ मतअन्तरले हराएका हुन् ।
जिल्ला निर्वाचन कार्यालय दाङको स्रोतले दिएको जानकारी अनुसार पोखरेलले २० हजार ७२७ मत पाएका छन् । घिमिरेको पक्षमा ११ हजार १७९ मत छ । तेस्रो स्थानमा नेकपा मालेका कपिलदेव पोख्रेल छन् । उनले १ हजार १८६ मत पाएका छन् । उनलाई पाँच नम्बर प्रदेशको मुख्यमन्त्रीको रूपमा हेरिएको छ ।
दाङ क्षेत्रनम्बर २ को प्रतिनिधिसभा सदस्यमा माओवादीका कृष्णबहादुर महरा र काँग्रेसका राजु खनाल प्रतिस्पर्धामा छन् । महरा जित नजिक छन् ।
प्रतिक्रिया