काठमाण्डौ/प्रतिनिधिसभा निर्वाचन क्षेत्र नम्बर १ अन्तर्गत प्रदेशसभा (ख) का काँग्रेस उम्मेदवार गणेश लामा मध्यनदेखि परेपछिका छन् । अहिले उनको क्षेत्रमा एमाले उम्मेदवार चन्द्र लामा ४५९ मतका साथ अग्र स्थानमा देखिएका छन् । मतपरिणाम निकै प्रतिस्पार्धात्मक रुपमा आइरहेका छन् । विहान देखि अग्रता लिएका गणेश मध्यनदेखि भने पछि परेका हुन् ।

यहि क्षेत्रको प्रदेशसभा (क) बाम गठबन्धनका उम्मेदवार रत्न ढकाल दोब्बर मतका साथ अग्रस्थानमा छन् । उनलाई काँग्रेसका सिबी लामाले पछ्याइरहेका छन् ।

त्यसैगरी काभ्रेको निर्वाचन क्षेत्र नम्बर २ अन्तर्गत प्रदेशसभा (क) लक्ष्मण लम्सालले दोब्बर मतका साथ अग्रता कायमै राखेका छन् । उनको मत ६७२९ छ । उनका प्रतिद्धन्द्धी सुन्दरमणी आचार्यको ३६८९ रहेको छ । यहि निर्वाचन क्षेत्रको प्रदेश (ख) मा पनि बाम गठबन्धनका बसुन्धरा हुमागाईले नेतृत्व गरिरहेका छन् । काँग्रेसका कञ्चन चन्द्र बादे पछ्याइरहेका छन् ।