काठमाण्डौ/काभ्रेमा प्रदेशसभाको मत गणना भइरहदाँ रत्न ढकाल र लक्ष्मण लम्सालले आफुलाई निकै अगाडी बढाएका छन् । उनीहरु सुरुवात देखि नै कम्तीमा १५ सय मतअन्तरमा आफुलाई अगाडी बढाइरहेका हुन् । प्रतिनिधिसभा निर्वाचन क्षेत्र नम्बर १ अन्तर्गतको प्रदेश क का बाम गठबन्धनका उम्मेदवार ढकालले ५५६९ मत ल्याएका छन् भने उनका पछि पछि नेपाली काँग्रेसका सिबी लामा दौडिरहेका छन् । लामा ३१८५ मत प्राप्त गरेका छन् ।

त्यस्तै प्रतिनिधिसभा निर्वाचन क्षेत्र नम्बर २ अन्तर्गतको प्रदेशसभा क मा बाम गठबन्धनका उम्मेदवार लक्ष्मण लम्सालले ५११४ मत सहित अग्रता लिइरहेका छन् । उनका प्रतिद्धन्द्धी नेपाली काँग्रेसका सुन्दरमणि आचार्यले २५८९ मत ल्याएर लम्सालाई पछ्याइरहेका छन् । त्यसै गरी सोहि निर्वाचन क्षेत्रको प्रदेश ख मा पनि बाम गठबन्धनका बसुन्धरा हुमागाईले पनि अग्रता लिइरहेका छन् । उनले हालसम्म ४५९८ मत ल्याउँदा उनका प्रतिद्धन्द्धी कञ्जनचन्द्र बादेले ३७७३ मत ल्याएका छन् ।