काठमाण्डौ/गत बैशाखमा सम्पन्न स्थानीय तहको निर्वाचनबाट निर्वाचित एमाले र माओवादी केन्द्रका जनप्रतिनिधिहरुले जिल्लामा बाम गठबन्धनका पक्षमा मतदान गर्न जिल्लाका सम्पूर्ण मतदातालाई अपिल गरेका छन् ।

उनीहरुले गाउँ र देशको सम्बृद्धीका लागि स्थानीय तहमा जस्तै प्रदेश र केन्द्रमा समेत बाम गठबन्धनको सरकार बन्न आवश्यक रहेको भन्दै बामगठबन्धनका उम्मेदवारलाई जिताउन आह्वान गरेका हुन् । १३ स्थानीय तह रहेको काभ्रेमा ९ वडा स्थानीय तहमा बाम गठबन्धन विजयी भएका थिए ।

६ नगरपालिका मध्ये पाँचखाल बाहेक धुलिखेल, बनेपा, पनौती, मण्डनदेउपुर र नमोबुद्ध नगरपालिकामा एमाले विजयी भएको थियो । त्यस्तै ७ वटा गाउँपालिका मध्ये भूम्लु र खानीखोला गाउँपालिकामा एमाले विजयी भएको थियो । त्यसैगरी चौरीदेउराली र महाभारत गाउँपालिकामा माओवादी केन्द्र विजयी भएको थियो । जिल्लाको तेमाल, बेथानचोक, रोशी गाउँपालिका र पाँचखाल नगरपालिका भने नेपाली काँग्रेसले जितेको थियो ।

एमाले र माओवादी केन्द्रका गरी ६८ जना वडाध्यक्ष र ५ नगरपालिकाका नगरप्रमूख/उपप्रमूख र ६ वडा गाउँपालिकाकाका प्रमूख/उप्रमूखले दीर्घकालिन विकासका लागि समेत बाम गठबन्धन अपरिहार्य रहेको भन्दै काभ्रे जिल्लामा बाम गठबन्धन विजयी हुन आवश्यक रहेको औल्याएका छन् ।