माझीफेदा, काभ्रे । प्रतिनिधिसभा काभ्रे क्षेत्र नम्बर १ र प्रदेशसभा १ को चुनावी सभा माझीफेदामा सम्पन्न भएकाृे छ । चौंरी देउरालीको वडा नं। १,२ र ३ लाई केन्द्रित गरी आयोजना गरिएको चुनावीसभालाई नेकपा माओादी केन्द्रका स्थायी किमिटी सदस्य तथा सिन्धुपाल्चोकबाट प्रनिधिसभाका लागि उम्मेदवार अग्नीप्रसाद सापकोटा र एमालेका आनन्दप्रसाद पोखरेलले सम्बोधन गरेका छन् ।

वाम गठबन्धन काभ्रे १ को प्रचार टोलीका संयोजक ग्याम्जो लामाका अनुसार सभामा प्रतिनिधसभा सभा उम्मेदवार गंगाबहादर तामाङ वमध्वज र प्रदेशसभा उम्मेदवार रत्न ढकाल लगायत वाम गठबन्धन काभ्रेका नेताहरुले सम्बोधन गर्दैछन् । काभ्रेको दुवै निर्वाचन क्षेत्रमा आम न्यायप्रेमी जनसमुदायको न्यानो माया पाएको वाम गठबन्धनको काभ्रे निर्वाचन क्षेत्र नम्बर १ को टोलीलाई कोशीपारिका जनताले उत्साहपूर्ण सहभागिता जनाएका छन् ।

चुनावी प्रचार अभियानमा सहभागी वाम गठबन्धनका नेता कार्यकर्तालाई भव्य स्वागत गरेका कोशीपारिका जनताले न्याय, समानता, स्वतन्त्रता र सुशासनका लागि वाम गठबन्धनलाई विजयी गराउन आतुर रहेको उनीहरुको उपस्थितिबाट देखिएको छ । चुनावी अभियानमा थुप्रै नेपाली कांग्रेसका क्रियाशील नेता कार्यकर्ताहरु वाम गठबन्धनमा सामेल भइरहेका खबरहरु प्राप्त भएका छन् ।