इनरुवा । नेपाली काङग्रेसका नेता तथा उप्रधानमन्त्री एवम संघीय मामिला तथा स्थानीय विकास मन्त्री विजयकुमार गच्छदारले प्रतिद्धन्दी एमालेका उमेदवारहरु निर्वाचनमा पराजित हुने अवस्थामा पुगेर मतदातालाई भ्रमित पार्न अनर्गल प्रचारमा लागेको बताउनुभएको छ ।

बिहिबार सञ्चारकर्मीहरुसंग कुराकानी गर्दै मन्त्री गच्छदारले सो कुरा बताउनुभएको हो । एमालेका कार्यकर्ताहरुले नेपाली काङग्रेसको तर्फबाट सुनसरी क्षेत्र नम्वर ३ बाट प्रतिनिधिसभाका उमेद्वार गच्छदारबाट बामगठबन्धनकी उम्मेदवारलाई लक्षित गर्दै आफू पराजित हुने क्षेत्रमा धेरै समय बर्बाद गर्नुको अर्थ नभएको बताउनुभएको थियो । मन्त्री गच्छदारले चुनाव हार्ने त्रासका कारण विपक्षीले झुठा हल्ला फैलाएको आरोप पनि लगाउनुभयो

मन्त्री गच्छदारले चुनाव लडने सबैको अधिकार भएको बताउनुहुदै चुनावमा विजय भने एकजनाको हुने भएकोले आफूले बामगठबन्धनको समय,जनशक्ति र फजुल खर्च बचोस भनेर सुझाव दिएको बताउनुभयो ।