धुलिखेल /  बाम गठबन्धनको पक्षमा जनमत सिर्जना गर्न बाम गठबन्धनको गीत सार्वजनिक गरिएको छ । दोस्रो चरण अन्तर्गत मंसिर २१ गते हुने प्रतिनिधि सभा र प्रदेश सभा निर्वाचनलाई केन्द्रित गरेर काभ्रे जिल्लाकै कलाकारहरुले बाम गीत सार्वजनिक गरेका हुन् ।

“आयो बाम गठबन्धन” नाम दिइएको गीतको रचना र संगीत एमालेको जन साँस्कृतिक महासंघ काभ्रेको पूर्व जिल्ला अध्यक्ष सञ्जीव वाईबाले गरेका हुन् । एमाले जिल्ल्ला सदस्य जेनिस लामाले दिएको जानकारी अनुसार गीतमा काभ्रे जिल्लामा बामले यस अघि गरेका विकास योजना, भावी रणनीति र बाम एकता अनि आवश्यकतालाई समेटिएको छ । गीतमा सञ्जीव वाईबा, विश्व दोङ र सुवास मोक्तानको स्वर रहेको छ ।

https://www.youtube.com/watch?v=3k2S5YEATyY&t=54s