काठमाडौं । काठमाडौंबाट अर्घाखाँचीका लागि गुडेको लु २ ख २९१ नम्बरको बस ट्रकसँग ठोक्किएर चितवनको फिस्लिङबाट त्रिशुली नदीमा खस्दा ७ जनाको मृत्यु भएको छ। मृत्यु भएका ७ जनामा ५ जना पुरुष र २ जना महिला रहेका छन् ।
एक बालक र अन्य २४ जना घाइतेलाई प्रहरीले उद्दार गरेको छ। नदीमा डुवेको बसभित्र कति यात्रु थिए भन्ने खुल्न सकेको छैन। घटनास्थलमा सेना, प्रहरी, सशस्त्र प्रहरी र स्थानीयले उद्दार गरेका छन् । उद्दारका लागि इलाका प्रहरी कार्यालय गजुरीबाट प्रहरी निरीक्षक सन्जय तिमल्सिनाको थप टोली घटनास्थल पुगेको थियो । त्रिसुली नदीमा डुबेको बसलाई फेला पारिएको छ । घाइतेको चितवन र काठमाडौंमा उपचार भइरहेको छ ।
प्रतिक्रिया